Ychydig o’n hadolygiadau

Dydd Sul 22 Mehefin 2020

Mae mwy na 500 o winllannoedd masnachol yng Nghymru a Lloegr (mae hi’n dal yn rhy oer i dyfu grawnwin yn yr Alban a Gogledd Iwerddon), felly rydym ni wedi dewis rhai o’r goreuon lle gallwch chi’n fuan fwynhau sesiwn blasu, prynu cês neu dri, a hyd yn oed aros a gwneud penwythnos ohoni.

GWIN: Mae mynyddoedd Eryri’n gefndir godidog i Winllan Conwy (gwinllanconwy.co.uk), lle cafodd y gwinwydd eu dewis yn ofalus i gyd-fynd â'r amodau hinsoddol caled. Mae pob un o’r pum gwin a gynhyrchir yma yn cynnwys patrwm ar y label sy'n deillio o’r adeiladau Tuduraidd yng Nghonwy gerllaw. Mae gwin coch Rondo 2018 £18 yn cyd-fynd yn dda â chig oen Cymreig neu gawl.

BWYTA: Gwinllan White Castle (whitecastlevineyard.com), yng nghefn gwlad bryniog hardd Sir Fynwy, lle daeth prosiect ymddeoliad yn swydd amser llawn ac yn fusnes llwyddiannus i’r cyn-bostman Robb Merchant a’i wraig Nicola. Yma y cynhyrchwyd gwin cadarn cyntaf Cymru, a gafodd ei alw’n 1581 ar ôl sgubor Duduraidd restredig yn y winllan, ochr yn ochr â’r gwinoedd coch, gwyn a rhosliw. Mae platiau caws, cig a physgod yn cael eu gweini yng nghaffi’r Cellar Door am £12 i £15 y pen.

YMLACIO: Mae Llanerch, sydd wedi’i lleoli 15 munud ar droed o Gastell tyredog Hensol, yn westy, yn winllan, yn fwyty ac yn ysgol goginio. Mae wedi’i lleoli naw milltir o Gastell Coch. Canolbwynt y safle yw ffermdy gwyngalchog, ac mae ei winoedd Cariad gwyn, rhosliw a phefriog yn destament i gryfder y gwinoedd yng Nghymru heddiw. Mae ystafelloedd dwbl yn y ffermdy neu o amgylch y buarth gerllaw yn costio o £95 y noson (llanerch.co.uk).

Tachwedd 2019

Rhowch winoedd pefriog Lloegr o’r neilltu, mae digon o winoedd sydd wedi ennill gwobrau ar gael yng Nghymru hefyd, o Ynys Môn i fryniau Sir Fynwy, meddai Terry Kirby (darllen yr erthygl lawn)

Mehefin 2014 (darllen yr erthygl lawn)