Rhyfeddol
Mae fy ngŵr wrth ei fodd gyda’r jin hwn. Mae’r blas pur yn torri syched yn berffaith. Mae’n un o’r diodydd jin gorau o bell ffordd. Rwy'n ei argymell yn fawr – ac yn bendant am ei brynu eto. (Master of Malt)

Y gorau o’i fath - gwych.
Jin delicet a chytbwys. Mae’n ddigon cadarn i gyd-fynd yn dda â’r rhan fwyaf o gymysgwyr; ond yn bersonol mae’n well gyda chymysgydd ysgafnach. Mae’n caniatáu i flasau gwahanol y ddiod ddod i’r amlwg. (Master of Malt)

Does dim gwell i'w gael!
Heb amheuaeth, y jin gorau rwyf wedi ei flasu erioed. Safon uchel! (Master of Malt)

Does neb yn distyllu nac yn gwneud jin gwell ym Mhrydain gyfan yn fy marn i....does mo'i debyg ar gael ar hyn o bryd.
Joe Wadsack Drinks Coach UK Mehefin 2020 Three Best Gins World.

Mae blas y môr a'r tir i'w gael yn Gower Gin. Drwy arogli'r gwydr, byddwch yn teimlo eich bod wedi'ch amgylchynu gan goed rhosmari llawn blodau melys dan haul crasboeth y prynhawn. Mae'r blas yn doreithiog, yn laswelltog ac yn wledig, ond mae'r sitrws byrlymog yn cadw'r ddiod yn ffres ac yn ysgafn – fel nad yw'n rhy sawrus na gor-lysieuog.
Mae'n jin llawn blas, yn jin sy'n uchel ei gloch ac yn jin sy'n torri ei gŵys ei hun yn hytrach na dilyn y llwybr traddodiadol
The Gin Foundry. https://www.ginfoundry.com/gin/gower-gin/

Adolygiadau o jin Benjamin Hall London Dry Gin
Fy Hoff Jin Mae’r blas mwyaren meryw mor gytbwys, mae’n gwneud y Jin a Thonic perffaith. Mae’n fendigedig gyda rhew hefyd. Perffaith.

Crawshay
Wedi rhoi cynnig arno neithiwr ac roedd yn flasus iawn iawn. Doedd hwn ddim yr un peth â’r jin oren melys hwnnw sydd ar y farchnad, roedd yna flas dwfn iawn iddo.

Trulo
Bendigedig. Mae’n gwneud Expresso Martini neu White Russian hyfryd

"Eithinen bêr sy’n wledd i’r synhwyrau, gydag ychydig o gic a sylfaen gneuog. Yn fendigedig o lyfn ar y daflod, gyda blas yr eithinen bêr naturiol yn llifo trwyddo. Dyna fendith a phleser pur annisgwyl. Tonic sylfaenol da y gallwch ei weini gyda sleisen neu beth bynnag sydd at eich dant – ro’n i wrth fy modd â’r ffaith fod blas yr eithinen bêr yn parhau ar ôl cymryd llymaid o’r tonic. Byddai’n gweddu’n dda ar gyfer martini sych – chwiliwch am eich vermouth perffaith ac ychwanegu blas yr eithinen bêr ato – dyma’r union beth rydyn ni fel beirniaid wedi bod yn chwilio amdano. Blas o berffeithrwydd."
Panel Beirniaid Great Taste

Mae dylanwad Portiwgeaidd cryf ar y diferyn hwn o Aur Cymru gan fod y wisgi’n cael ei roi mewn bareli Madeira ar ôl aeddfedu. Caiff ei ddisgrifio gan Ddistyllfa Penderyn fel ei wisgi cartref gwreiddiol. Mae’n gybolfa o flasau melys a sych, bob un yn ymddangos yn eu tro mewn ffordd bersain.
Gellir blasu ac arogli’r ffrwythau meddal ac chnau almon ac mae’r blas fanila yn llifo trwyddo’n ysgafn, gan daro cydbwysedd perffaith rhwng y melys a’r ysgafn a’r blasau sych a derw. Mae’n llymaid hyfryd o aur pur o Fannau Brycheiniog.